Malala Yousafzai Pakistani qaum ki beti 9 October
2012 ko hasbe mamool School se chutti ke bad degar sahelyon ke hamrah
school van mein ghar ja rahi thi ke koi pone barah baje ke qareeb jab
woh Sharifabad aur gul kadah ke darmiyan wale ilaqe mein pahonch gaye to
na maloom naqab poshon ne gari ko roke liya. DIG Malakand Division aur
DPO Swat ne media se guftagu kerte huye kaha ke Malala Yousafzai apne
school se chutti ke bad dusri sathyon ke himrah school van mein ghar ja
rahi thi ke Sado Sharif Police Station ki hadood mein waqa ilaqe Gul
kadah ke qareeb do na maloom mosllah naqab poshon ne gari roke ker gari
mein Malala Yousafzai ka pucha aur shanakht hone per bad e azan fire
khole diya jis ke nateje mein qaumi aman award yafta aur sitara jurat ke
liyeh namzad hone wali honahar bachchi Malala Yousuf Zai ser per goli
lagne se shadeed zakhmi ho gae jab ke uske sath baithien do bachyan
Shazia aur kainat bhi hat aur paon per lag ker zakhmi ho gayein jinhein
fori tibi imdad ke leyeh Sado Sharif Hospital muntaqil ker diya gaya
MS Sado Sharif Hospital doctor ke motabiq
Malala ko ser per aik goli lagi hai jo ser se nickal ker kandhe mein ja
lagi hai aur CT scan ki report ke motabiq iss ka demag bach gaya hai jis
ke bais uski halat khatre se bahar batai jati hai. Bad e azan Malala
Yousafzai ko Sado sharif hospital mein Nero Surgery unit na hone ki waja
se usey Pak fouj heli copter mein Peshawer KCMH muntaqil ker diya giya
hai. Jab ke Shazia aur Kainat ko Sado Sharif Hospital mein tabi imdad di
ja rahi hai media se guftagu kertey huye majrooha zakhmi bachchi Shazia
ne bataya ke school se chutti ke bad woh gari mein jarahey they ke do
na maloom naqab poshon ne gari ko raka aur Malala yousuf Zai ka nam pich
ker shanakhat per golian chalaien Operation Theater mein Malala ne hospital mein aney ke bad apne walid Ziauddin Yousuf Zai se bat bhi ki.
Swat ki honahar talba aur Sitara Jurat ke
liye namzad hone wali athween jamaat ki talba Malala Yousafzai per
qatlana hamla ke bad zila bher mein security chaik poston per gair
mamooli chacking shuru kea gaya jis ke baas garyon ki lambi qatarien lag
gaien jis ke bad police aur security foresees ke jawano ne Mangora
shahar ke mokhtalif ilaqon mein sarch operation shuru ker diya police
aur security foresees ne shahar ke nawahi ilaqa Sharif abad, Khaja abad
aur condex mein surch operation kiya zarae ke motabiq foresees ne surch
operation ke duran motadid mushtaba afrad ko hirasat mein liker na
maloom moqam muntaqil ker diya hai Swat mein aman ki bahali ke bad
target clinging ka silsila waqfey waqfey se jari hai aur target clinging
ke pehley shikar aman cumaition ke ser barahan they jin mein se aman
cumaiti koza bandi ke ser barah Idrees Khan ko target kea gaya us ke bad
Muslim League ke Subai concil ke member Afzal Khan ko ghar ke samne
firing ker ke qatal kiya gaya. Iss ke bad Swat qaumi jirga ke rukun aur
all Swat hotel association ke sadar Alhaj Zahid Khan ko iss waqt target
kiya gaya jab woh Namaz e Isha ke liyeh ja rahey they. Alhaj Zahid Khan
ne target killer ke sath mozahmat bhi ki mozahmat ke doran iss ko goli
lagi jis se woh shadeed zakhmi ho gaey police ne sado Sharif police
station mein na maloom afrad ke khelaf insedad dahshat gardi acket aur
iqdam e qatal ke tehat moqadma darje ker leya gaya hai abb dekhna yeh
hai ke police mulziman ki griftari mein kamyab hoti hai ya nahien lakin
Swaat ki tamam seasi aur samaji halqon samait sharion ka motalba hai ke
Malala yousuf Zai per honey waley hamley mein malawis mulziman ko
griftar ker ke qarar waqi saza di jaye.
No comments:
Post a Comment